Puntland: Roobkii Gu'ga oo ka da'ay Garoowe
-
GAROWE ONLINE Garoowe
- Posted On 05-04-2018, 12:21AM
GAROOWE, Puntland- Roob qaboojin ah ayaa caawa fiidkii ka da'ay magaalada Garoowe ee caasimadda Puntland, xilli maalmahan meelo kamid ah maamulkan uu ka curtay xilli Roobaadka Gu'ga oo kusoo beegmay xilli xaalad adag oo abaareed ay ka jirto qaybo kamid ah Puntland.
Abaare 09 caweysnimo xilliga Geeska Africa ayaa roobkan ka curtay magaalada Garoowe inkastoo Galabta uu ka da'ayay qaybo kamid ah gobolka Nugal.
Daruur fiican ayaa qabatay caasimadda oo maalmahan ahayd mid aad u kulul, waxaana qaar kamid ah shacabka oo la hadlay GO ay sheegeen inay ku faraxsanyihiin Raxmadda ALLE oo ay tilmaameen inay kusoo aaday xilli Adag. Wadooyinka muhiimka ah ee magaalada waxaa buux dhaafiyay Biyo.
Dhinaca kale warar ka imaanaya baadiyaha gobolka Nugaal iyo Tuulooyin hoos yimaada caasimadda Puntland, waxaa ka da'ay roobab fiican.
Xogta warkan iyo meelaha Roobabku qabteen waxaan idin la soo wadaagi doonaan wararkeen dambe.
GAROWE ONLINE
