20 ku dhimatay qaraxyo ka dhacay Baydhabo
-
- Posted On 28-02-2016, 07:13PM
BAYDHABO- Qaraxyo xooggan ayaa gilgilay magalada Baydhabo xarunta gobolka Baay, waxaana la xaqiijiyay geerida 20 ruux halka dhaawaca gaarayo 30 qof.
Qaraxaan oo lala beegsadey makhaayad iyo Hotel dhaliyaro ku daawaneysay kubadda cagta kuwasoo loo adeegsadey gaari laga soo buuxiyey walxaha qarxa halka qof kale sameeyey is-miidaamiyey.
Daryanka weeraradan, ayaa laga maqlay guud ahaan magalada, waxaana uu saameeyay isu-socodka iyo ganacsiga magalada, waxaana durba goobta soo gaaray ciidamada ammaanka oo isku geedaamay halka qaraxyadu ku dhaceen.
Dadkaan la weeraray oo daawaneysay cayaaraha u dhexeeyey maanta kooxaha Arsenal iyo Man.United ayaa waxaa ku badnaa siyaasiyiin iyo qurba joog.
Weerarkaan ayaa waxaa sheegatay xarakada Alshabaab.
Dhinaca maamulka Koonfur Galbeed kama hadlin falkan oo aan ahayn markii ugu horaysay oo qaraxyo ka dhacaan xarunta gobolka Baay.
Wixii kasoo kordha wararkeena dambe ayaan idiin kusoo gudbinaynaa
GAROWEONLINE
