Al-Shabaab oo sheegatay dilka 7 ka mid ciidamada Kenya
-
- Posted On 15-12-2015, 07:37AM
15 December, 2015(GO)-Afhayeen u hadlay ururka Al-Shabaab ayaa sheegay inay dileen 7 ka mid ah ciidamada Kenya, kadib weerar ay ku qaadeen bar Kantarool oo ku taalla Waqooyi Bari Kenya gaar ahaan degmada Mandheera.
Al-Shabaab ayaa sidoo kale tilmaamtay inay jiraan dhaawac soo gaaray ciidamada, oo kuguda jiray howlo amni oo ay ka wadeen xuduuda Somalia iyo Kenya.
Balse war ka soo baxay saraakiisha amniga Dowladda Kenya ayaa lagu beeniyay sheegashada Al-Shabaab, waxayna shaaciyeen in dhaawacyo soo gaareen ciidamadooda balse aysan jirin dhimasho.
Weerarka ayaa yimid maalin ka dib markii mid kamid ah askarta Kenya la dilay labo kalana lagu dhaawacay weerar Shabaab ku qaadeen kolonyo marayay meel ku dhow degmada Ceelwaaq ee gobolka Gedo.
GAROWEONLINE
