Al-shabaab oo weerar ku qaadey saldhig ciidamada Jubaland
-
- Posted On 14-11-2015, 06:33AM
14 Nov, 2015 (GO)- Wararka warsidaha Garowe online ka helayo magaalada Kismayo ayaa sheegaya in ururka Al-shabaab xaley 13 Nov,2015 weerar ku qaadeen xero ciidamada Daraawiishta Jubaland dagan yihiin.
Kuliyadii hore ee ciidamada Cirka oo ku taal duleedka magaalada Kismayo ayaa weerarkan ka dhacey iyadoo wararku sheegayaan in kooxda Al-Shabaab u suurtagali waydey iney qabsadaan xeradaas kadib markii ciidamada ku sugnaa iska-caabin xoogan kala kulmeen.
Dagaalkaan ayaa guud ahaan dhimashada gaareysaa 15 qof halka dhaawacayada yihiin 25 qof.
Warsidaha Garowe Online oo la hadley wasiiirka amniga Jubaland ayaa u sheegey in dagaalkaas kaga dhinteen 9 Askari halka ay ka dhaawacantey 7 Askari.
GAROWEONLINE.
