Al-shabab oo weerartey kolonyo ka tirsan ciidamada AMISOM
-
- Posted On 19-04-2015, 08:11AM
April 19, 2015 (GO)- Kolonyo ay la socdeen ciidamada AMISOM ayaa maanta lagu weeraray agagaarka deegaanka Yaaq Bariweyn ee gobolka Shabeellaha Hoose.
Sida wararku sheegayaan dagaalyahano ka tirsan Al-Shabaab ayaa wadada u galay kolonyadan oo gaarayay ilaa shan gaari, waxaana halkaas ku dhex maray dagaalo muddo kooban socday.
Dadka deegaanka ayaa ku soo waramaya inay maqlayeen rasaas iyo qaraxyo xoogan, isla markaana dagaalka uu ahaa mid aad u culus..
Al-Shabaab ayaa sheegataymas'uuliyadda weerarkan, iyadoo sidoo kale sheegtay inay ku dishey shan askari oo ciidamada Brundi ka tirsan labo gaarina ay ku gubeen.
Dhanka AMISOM afhayeen u hadlay ayaa sheegay in weerarka saddex askari kaga dhinteen labo kalena ay ku dhaawacmeen.
Weerarkan ayaa saameyn ku yeeshay dhaq dhaqaaqa gaadiidka ee wadada isku xirta Muqdisho ilaa Baydhabo, waxaana gawaari ka kala baxay Muqdisho iyo Baydhabo ay ku xaniban yihiin wadadaas, kuwaasoo aan wali isu gudbin.
GAROWE ONLINE
