AS oo weeraro ka fulisay Jubaland
-
Staff Reporter GAROWE ONLINE
- Posted On 22-07-2024, 07:20AM
KISMAAYO, Soomaaliya - AS ayaa fulisay saddex weerar oo ay ku qaadey 24-kii saac ee lasoo dhaafay saldhigyo Ciidan oo ku yaalla gobolka Jubada Hoose, oo dhawaan ka billowday howlgal military.
Wararka aan ka helayno gobolka ayaa sheegaya in la weeraray Buula-Xaaji, Harboole iyo Miido, oo kamid ah meelaha ay ka socdeen dhaq-dhaqaaqyada Ciidan mudooyinkii dambe.
Dagaal culus ayaa ka dhacay goobahan, kaasoo gaystay khasaarooyin isagu jira dhimasho iyo dhaawac.Buula-Haaji waxay 80-km Koonfur Galbeed uga beegan tahay Kismayo, Harboole 90-km ayay waqooyi Galbeed u jirtaa Kismayo halka Miido 95-km sidoo kale waqooyi galbeed uga beegan tahay magaaladda Kismayo.
Ma jiro war kasoo baxay Jubaland oo ku aadan weerarada oo kusoo beegmaya xili guluf colaadeed ay Jubaland ka wado gobolka, ooAS uga sugan tahay Badhaadhe iyo degaanno kale, oo kasoo abaabusho qaraxyada iyo falalka kale ee ka dhan ah amniga.
Ciidan Mareykanka ah ayaa duleedka Kismaayo ku leh saldhig, waxayna ka caawiyaan askarta Jubaland iyo kuwa dowladda federaalka duqeymaha cirka.
GAROWE ONLINE
