Ciidamadda oo Al-Shabaab ka burburiyey "maxkamad beenaad"
-
WARIYAHA MUQDISHO GAROWE ONLINE
- Posted On 19-04-2023, 12:23PM
MUQDISHO, Soomaaliya - Guutada 14-ka October ee ciidanka xoogga dalka Soomaaliyeed ee fadhigoodu yahay gobolka Shabeellaha Hoose ayaa saacadihii la soo dhaafay Al-Shabaab kala wareegay deegaano dhowr ah.
Degaanadda ay ciidamada dowladda la wareegeen ayaa waxaa kamid ah Jowhar Awdheegle, Ay-Butey, Gumeysidid, Kali Cafimad, iyo Buulo-nagey oo hoos taga degmooyinka Awdheegle, Jannaale, iyo Nambar 50.
Sida ay sheegeen saraakiisha howlgalka hoggaamineysa oo ay soo xigatay warbaahinta ku hadasha afka dowladda, ciidamada ayaa waxay burburiyeen isbaarooyin iyo maxkamado been abuur ah oo ay kooxdaasi lacago baad ah uga qaadi jireen dadka iyo gaadiidka dadweynaha.
Ciidamada dowladda ayaa Al-shabaab kala wareegay magaalooyin iyo tuulooyin waaweyn oo ka tirsan gobollada Hiiraan, Galgaduud iyo Shabeellaha Hoose tan iyo bishii Augusto ee lasoo dhaafay.
Maamulka Madaxwayne Xasan Sheekh Maxamuud ayaa tan iyo markii dib loo doortey May 15, 2023 waxa uu dardargeliyey gulufka ka dhanka ah Al-Shabaab kaasoo haatan uu gabagabo yahay wajigiisa koowaad.
Wajiga labaad ee howlgalka ayaa qorsuhu yahay in uu bilowdo kadib dhamaadka bisha barakeysan ee Ramadaan. Saraakiisha milatariga Soomaaliya waxay caddeeyeen in howlgalka ay kusoo biiri doonaan wadamadda dariska.
GAROWE ONLINE
