Ciidamadda oo guulo ka sheegtay dagaal ay la galeen Al-Shabaab

Image
Yasoomane waa mid ka mid ah tuulooyinka ugu waaweyn ee dhawaan ciidanka iyo dadka degaanka qabsadeen.

MUQDISHO, Soomaaliya - Warar dheeraad ah ayaa kasoo baxaya dagaal saaka ka dhacay gobolka Hiiraan oo u dhaxeeyay ciidamada dowladda oo garab ka helaya dadka degaanka iyo kuwa Al-Shabaab.

Isku-dhaca oo socday ku dhowaad in ka badan saacad ayaa ka dhacay deegaanka Yasooman oo qiyaastii 34km dhanka waqooyi bari kaga beegan degmada Buulobarde.

Yasoomane waa mid ka mid ah tuulooyinka ugu waaweyn ee dhawaan ciidanka iyo dadka degaanka qabsadeen. Khasaaraha lama oga. Balse, sheegashooyinka labada dhinac aaya aad u kala fog.

Wasaaradda Warfaafinta ayaa ku warameysa in ciidamada dowladda iyo kuwa deegaanka ay iska hor-imaad ku qaadeen weerar ay Al-Shabaab ku qaadeen deegaanka Yasooman oo ay ku dileen 20 maleeshiyo ah, ayna ku dileen 3 askari.

Dhanka kale Al-Shabaab ayaa sheegtay in ay ku dileen 117 ka tirsan ciidamada dowladda & kuwa deegaanka Yasooman & Beero-Yabaal. Sheegashada si madax banaan looma xaqiijin karo.

Wakaaladda wararka qaranka ee SONNA oo soo xiganaysa taliyaha ciidamadda Odowaa Yuusuf Ragage ayaa warisay in isku-dhacan ay ku khaarijiyeen ku dhowaad 50 xubnood oo kamid ahaa Al-Shabaab.

Gobolka Hiiraan ayaa mudooyinkii ugu dambeeyay wuxuu xudun u ahaa halganka dadka degaanka ay kaga soo horjeedaan maleyshiyaadka Al-Shabaab kuwaasoo kacdoonkan ku waayey degaano badan.

GAROWE ONLINE

Related Articles

Qatar oo $8 million labo diyaradooda ugu iibisay dowladda Soomaaliya

Soo dejinta diyaaradaha Akinci waxay calaamad u tahay horumar weyn oo ku saabsan xoojinta iskaashiga militari ee Turkiga iyo Soomaaliya.

  • Soomaliya

    18-03-2025

  • 12:02PM

Turkiga Oo Diyaaradaha Akinci ee Casriga ah usoo diraya Soomaaliya

Tani waa tallaabo muhiim ah oo loo qaaday si loo xoojiyo dagaalka ka dhanka ah Al-Shabaab iyo kooxaha kale ee khatarta ku ah nabadda dalka Soomaaliya.

  • Soomaliya

    17-03-2025

  • 02:04PM