Ciidamo ka wada tirsan kuwa Dowladda oo Afgooye ku dagaalmey

March 25, 2015 (GO)- Ugu yaraan saddex qof oo rayid ahaa ayaa ku dhintey labo kalena way ku dhaawacmen dagaal maanta ciidamo ka wada tirsan kuwa Dowladda Federaalka Soomaaliya ku dhex maray degmada Af-gooye ee gobolka Shabeellada Hoose.

Iska hor imaadka ayaa ka dhacay bar-kantarool oo ku taalla halka lagu magacaabo Baar Ismaaciil, labada ciidan ee dagaalameyna waxay ka kala tirsan yihiin  booliska iyo militeriga.

Lama oga ilaa iyo hadda sababta keentay iska hor imaadkaas, saraakiisha ciidamada iyo maamulka degmaduna ilaa iyo hadda wax war ah kama soo saarin.

Ma ahan markii ugu horreysey ee degmada Af-gooye dagaal ku dhex maro ciidamo ka wada tirsan kuwa Dowladda Federaalka Soomaaliya.

Faah faahin dheeri ah oo ku saabsan iska hor imaadka ka dhacay Afgooye wararkeena dambe ayaad kaga bogan doontaan.

GAROWE ONLINE