D. Federaalka oo qabatey nin Maraykanku ku darey liiska argagixisada
-
- Posted On 03-03-2015, 08:43AM
March 3, 2015 (GO)- Hay'adda Sirdoonka Dowladda Federaalka (NISA) ayaa shaacisey inay gacanta ku dhigtey nin asalkiisu Soomaali yahay oo horay Dowladda Maraykanku ugu dartey liiska argagixsada.
Ninkaas oo lagu magacaabo Liibaan Xaaji Maxamed da'diisuna 29 sano jir tahay waxaa lagu soo eedeeyey inuu ka tirsanaa Al-shabaab una qaabilsanaa qorista xubnaha cusub ee kooxdaas ku biiraya.
Maraykanka ayaa abaal marin lacageed oo gaareysa konton kun oo doollar u ballan qaadey ciddii keenta xog sahleysa soo qabashada Liibaan Xaaji.
Dhowr sarkaal oo xilal muhiim ah ka hayey Al-shabaab ayaa bilihii u dambeeyey isu soo dhiibey Dowladda Federaalka qaar kalena waxaa lagu diley duqeyn dhanka cirka ah oo ay diyaaraha Maraykanku geysteen.
GAROWE ONLINE
