"Dayax-madoobaadkii qarniga" oo dul-mari doono Soomaaliya

Khuburo ayaa saadaaliyay in qorax-madoobaadkan uu kasoo bilaaban doono Koonfurta Spain.

MUQDISHO, Soomaaliya  - Soomaaliya ayaa, sidda ay sheegeen khuburadda, waxay in ay kamid noqon doontaa meelo uu qorax-madoobaadkii qarniga ka dhici doono marka la gaaro bisha August ee sanadka 2027.

Qorax-madoobaadkan ayaa lagu waramay inuu kasoo bilaaban doono dalka dhaca qaaradda Yurub ee Spain isla markaana uu ku dhamaan doono Geeska Afrka gaar ahaan Soomaaliya August 2, 2027.

Qorrax-madoobaadka oo gaari doono 260-km oo balac ah ayaa ka dul mari doona indhaha Ahraamta loo dalxiis tago ee Masaarida iyo Dhagaxa caanka ah ee Gibraltar ee ku yaalla xeebta koonfureed ee Spain.

Dayax-madoobaadku ayaa ku dhawaan doona buurta Roomaanka ee Waqooyiga Afrika waxana uu si dirqi ah u seegi doonaa Seville, oo ah goobta ay ku yaallaan qaar ka mid ah dhismayaasha caanka ah ee Spain.

Tan ugu muhiimsan oo dhan, muuqaalka dayax-madoobaadka ayaa la filayaa inuu fiicnaado maadaama gobolka uu caadi ahaan leeyahay daruur hoose ama daruur-la'aan.

Si kastaba, dadka safarka ah iyo dadka caadiga ah waa inay u diyaar garoobaan heerkul aad u daran maadaama kulaylka Mediterranean-ka iyo kulaylka Saxaraha uu hoos u dhici doono marka dayaxu daboolo qorraxda.

Sida laga soo xigtay majaladda caanka ah ee Space.com, ku dhawaad ​​​​90 milyan oo qof ayaa ku hoos nool dariiqa meeraha, taas oo ka dhacda gobollada Spain iyo Masar oo caadi ahaan caan ku ah dalxiisayaasha.

GAROWE ONLINE