Diyaarad waday rakaab ajnabi ah oo ku dhacday nawaaxiga Muqdishu
-
- Posted On 12-10-2015, 07:38PM
12 Octobar, 2015(GO)-Diyaarad waday lix ruux oo ajnabi ayaa si lama filaan ah caawa fiidkii hore ugu dhacday deegaanka Lafoole oo u dhaxeeya Afgooye iyo Muqdishu.
Wararka ayaa sheegay in diyaaradani ku dagi wayday garoonka diyaaradaha Muqdishu, waxaana muddo ku dhaw hal saac dul hee-haabaysay hawada.
Dhammaan shaqaalaha saarnaa ayaa la sheegay inay badqabaan marka laga reebo qof soo gaaray dhaawac.
Lama oga cidda iska leh diyaaradan iyo halka ay u socotay waxaana ka soo baxaya warar iskhilaafan oo qaybtood sheegayaan in laga leeyahay dalka Masar isla markaana alaab u waday ciidamada nabad ilaalinta Somalia u jooga ee AMISOM.
Ilaa hadda diyaaradan oo ku dagtay afaafka hore xarun ciidamada AMISOM ku leeyihiin deegaankasi, kama hadlin xukuumadda Somalia.
GAROWEONLINE
