Dowladda federaalka oo baaq u dirtay maamuladda

Kulankan ayaa wuxuu u dhexeeyay Wasaaradaha Deegaanka iyo Batroolka ee Dowlad Gobaleedyada iyo Wasaaradda Batroolka iyo Macdanta xukuumadda federaalka.

MUQDISHO, Soomaaliya - Agaasimaha Guud Ee Wasaaradda Batroolka iyo Macdanta XFS Maxamed Xaashi Carabeey ayaa Muqdisho ugu qeyb-galay Aqoon is-weydaarsi Ku Saabsana Yareynta Dhuxusha iyo Kobcinta Isticmaalka Gaaska Cunta.

Kulankan ayaa wuxuu u dhexeeyay Wasaaradaha Deegaanka iyo Batroolka ee Dowlad Gobaleedyada iyo Wasaaradda Batroolka iyo Macdanta XFS. Waxaa Agaasinka kulanka iska kaashaday Agaasinka Xafiiska Bay'adda ee Raysal Wasaaraha XFS iyo Wasaaradda Batroolka iyo Macdanta XFS.

Agaasimaha Guud Ee Wasaaradda Batroolka iyo Macdanta oo kulanka ka hadlay ayaa ugu baaqay Wasiiradda matalayay Dowlad Gobaleedyada in ay Kaalinka qaataan dhaqan-galinta Sharciyadda la Xiriira ka hortagga Xaalufinta Deegaanka iyo Kobcinta isticmaalka Gaaska Cuntada.

Carabeey ayaa intaas ku daray in ka Wasaarad ahaan ay dhiira-galinayaan Ganacsatada iibisa Gaaska Cuntada sidoo kale Wasaaraddu ay diyaarisay Sharciyo kala duwan oo la Xiriira arimahaas.

GAROWE ONLINE