Qoor-Qoor oo loo doortay madaxweynaha labaad ee Galmudug
-
Wariyaha Muqdisho Garowe Online
- Posted On 02-02-2020, 12:00PM
DHUUSAMAREEB, Soomaaliya - Doorasho ay ka qeybqaateen Xildhibaanada baarlamaanka Galmudug, oo gaaraya 89 ayaa maanta ka dhacday Dhuusamareeb, kuwaasoo isagu tagay saakay hoolka Shiirkole.
Codeynta oo ahayd mid mudo kooban socotay ayaa waxaa wareegga kowaad kusoo baxay Musharax Axmed Cabdi Kaariye [Qoor-Qoor], kaasoo ay Villa Soomaaliya taageertay ololihiisa doorashadda.
Qoor-Qoor oo horey loo saadaaliyay guushiisa ayaa noqday Wasiiru dowlaha wasaaradda howlagaha guud ee XFS.
Qoor-Qoor ayaa helay 66 cod wareegga kowaad, isagoo ka adkaaday 3 musharax oo kale, kuwaasoo kala ah C/raxmaan Axmed Sabriye [1 cod[], Axmed Shire Maxamed [1 cod], iyo Axmed C/llaahi Samatar [9 cod].
Waxaa hadda socota doorashadda Madaxweyne ku xigeenada Galmudug.
GAROWE ONLINE
