Hawlgallo ammaanka lagu sugayo oo Muqdisho laga sameeyey
-
- Posted On 18-02-2015, 12:57PM
February 18, 2015 (GO)- Hawlgal baaritaan ah ayaa maanta laga sameeyey qaybo kamid ah magaalada Muqdisho.
Af-hayeen u hadlay Wasaaradda Amniga ayaa sheegay in hawlgalladani yihiin kuwo ammaanka lagu xaqiijinayo.
Wuxuu sidoo kale sheegay in ciidamadu heegan sare ku jiraan si ay uga hortagaan weerarro la qorsheeyey oo laamaha sirdoonku ka war heleen.
Ciidamo ka tirsan nabad-sugidda ayaa maanta lagu arki karey jidadka waaweyn ee muhiimka ah iyaga oo baaraya dadka iyo gaadiidka.
Ammaanka magaalada Muqdisho ayaa soo xumaanayey todobaadyadii u dambeeyey.
GAROWE ONLINE
