Hoos-u-dhac ku yimid duqeymaha Mareykanka ee Soomaaliya

Tiradda howlgalada dhanka cirka ee 2021 ay Washington ka fulisay dalka ayaa lasoo bandhigay.

WASHINGTON, USA - Milatariga Mareykanka ayaa qaaday duqeymo aad uga yar 2021-kii marka loo eego midkii 2020-ka gudaha Soomaaliya iyo guud ahaan caalamka, sida ay muujineyso tirokoob rasmi ah.

Tani waa isbeddel ay falanqeeyayaasha difaaca ku sheegeen in ay ugu yaraan qayb ka tahay ka bixitaankii Ogosto ee Afgaanistaan ​​iyo maamulka Biden ee xoogga saaraya diblomaasiyadda bedelka militariga.

Sida lagu sheegay xog ay heshay VOA-da, duqeymaha Maraykanka ee Afgaanistaan, Ciraaq, Suuriya, Yemen iyo Soomaaliya waxay ahaayeen 852 sannadkii hore, wadar ahaan, sanadkii hore 2021.

Tiraddan ayaa waxay ka dhigaysaa wax ka yar 42% duqeymihii 1,459 ee Maraykanku ka fuliyay isla aagagga dagaalka ee warbixintan ku sabsan sanadkii 2020-kii.

In ka badan saddex meelood meel weerarrada Bariga Dhexe ee 2020 iyo 2021 waxaa fuliyay koox hawleed gaar ah oo wadajir ah oo ka hortagga argagixisada, kuwaas oo tiradooda 2021-ka lagu shaaciyay warbixintan markii ugu horreysay.

Dalka ku yaalla Geeska Afrika ee Soomaaliya, waxaa sii kordhayay duqeymaha uu Mareykanka ka fuliyo intii ay xafiiska joogtay xukuumaddii madaxwayne Donald Trump.

Taliyeyaasha ciidamada ayaa waxay weeraradaas u adeegsadeen inay si deg deg ah u beegsadaan kooxda Al-Shabaab ee xiriirka la leh Al-Qaacida, iyadoo aan la dhigin tiro badan oo ciidan ah.

Sanadkii 2020-ka, Mareykanka ayaa gudaha Soomaaliya wuxuu ka fuliyey 72 duqeyn, halka 2021-kii uu ka fuliyey 10 howlgal dhanka cirka ah, taasoo ka dhigan in hoos u dhac ballaaran uu jiro.

Hoos-u-dhacan ballaaran waxaa loo aaneynayaa in xukuumadda Washington ay dhintey ciidamadda ka jooga Soomaaliya kuwaasoo loo wareejiyay saldhigyo ku kala yaala wadamadda deriska Jabuuti iyo Kenya.

GAROWE ONLINE