Jubbaland oo sheegtay in la joojiyay dhismaha xadka Somalia
-
- Posted On 16-11-2015, 12:53PM
16 November, 2015(GO)-Madaxweyne ku-xigeenka labaad ee maamulka Jubbaland Cabdulqaadir Xaaji Maxamed Luga-dheere ayaa sheegay in dowladda Kenya joojisay darbiga ka dhisaysay xadka u dhaxeya Somalia iyo Kenya.
Luga-dheere oo waraysi siiyay laanta Afka Somaliga ee VOA ayaa tilmaamay in arrintani ku timi wada-hadal uu la yeeshay Madaxweynaha Jubbaland Axmed Madoobe.
Ku-xigeenka madaxweyne oo haatan ku sugan Nairobi, ayaa wax laga weydiiyay arrimo ku saabsan dhoofinta dhuxusha iyo Sonkorta ayaa xusay inaysan waxba ka jirin isagoo ku tilmaamay warar ay fidiyeen dad dano siyaasadeed ka leh.
Mudooyinka waxa soo baxayay baaqyo iyo cabashooyin laga muujinayay darbiga dowladda Kenya sheegtay inay ka dhisayso xadka u dhaxeeya labada dal.
GAROWEONLINE
