Kalfadhiga Barlamanka Somalia oo maanta furmaya
-
- Posted On 25-10-2015, 04:55AM
25 Octobar, 2015(GO)-Waxaa maanta la filayaa inuu furmo kalfadhiga Barlamanka Somalia sida uu shaaciyay Gudoomiyaha Barlamanka Maxamed Shekh Cusman Jawaari.
Madaxweynaha Somalia ayaa la filayaa inuu furo, kana jeediyo khudbadiisa dastuuriga ah.
Jawaari ayaa Xildhibaanada ku wargaliyay inay soo xaadiraan furitaanka kalfadhiga 7-aad ee golaha wakiillada Somalia.
“Waxaa xusid mudan in Kalfadhigan 7aad ay Golaha hor yaalaan howlo culus oo dhammantood dalkan muhiim u ah, hada inta badan Mudaneyaasha Baarlamaanka waa ay wada yimaadeen, waxaanse ka codsanayaa Xildhibaannada haray ee weli maqan iney si deg deg ah dalka ugu soo xaroodaan si aan u amba qaadno dhameystirka howlaha nalaga doonayo inaan qabanno oo ah kuwo aan xil gudashadooda u dhaaranay" Ayuu yiri Jawari.
Dhawaan ayay ahayd markii la baajiyay fadhigan oo goluhu isugu imaan lahaa 22 Octobar.
GAROWEONLINE
