​Kulan deg-deg ah oo amniga Somalia laga yeeshay

MUQDISHU- Madaxweynaha Somalia ayaa xalay kulan deg deg ah la qaaday qaybaha kala duwan ee xukuumadda iyo saaraakiisha amniga dalka Somalia, waxaana looga hadlayay xaaladda dalka iyo weerarada kooxda Shabaab ka fulisay magalooyinka Muqdishu iyo Baydhabo.

Shirka ayaa lagu lafa-guray sida laga yeelayo weerarada Al-Shabaab, waxaa sidoo kale warbixino looga dhagaystay taliyaasha Boliiska iyo nabad sugidda Somalia.

Kulanka oo shir gudoominayay Madaxweynaha Somalia, Xasan Sheekh Maxamud, waxaa la isku afgartay in la qaado weeraro ka dhan ah kooxda Al-Shabaab, waxaana sidoo kale la isku raacay in laga sifeeyo deegaanada kale ee Somalia gacanta ku hayaan.

Isu-imaatinka madaxda ayaa timi xilli shalay 28 Febrayo weerar qorshayn uu ka dhacay magalada Baydhabo xarunta maamulka Koonfur Galbeed Somalia, waxaana kasii horeeyay weerar lagu qaaday magalada Muqdishu gaar ahaan Hotelka SYL.

GAROWEONLINE