Labo mileeshiyo beeleed oo ku dagaalamay gobolka Hiiraan
-
- Posted On 21-03-2015, 05:51AM
March 21, 2015 (GO)- Dagaal ayaa saaka mar kale dib uga qarxey deegaanka Deefow ee gobolka Hiiraan, halkaasoo dhowr mar oo hore labo mileeshiyo beeleed ugu dagaalameen.
Ugu yaraan shan qof oo labada dhinac ka kala tirsanaa ayaa lagu soo warramayaa inay dagaalka ku geeriyoodeen.
Iska hor imaadka ayaa bilowdey kadib markii mid kamid ah labada mileeshiyo soo weerartay goob fariisin u ahayd mileeshiyada kale.
Colaadda saaka dib usoo cusboonaatey oo soo jiitameysey muddo dhowr sano ah waxay salka ku haysaa aano qabiil iyo muran ka dhashay dhul daaqsimeedka.
Dowladda Federaalka ayaa guddi u saartey xal u helista dagaal beleedyada soo noq noqdey ee deegaanka Deefow, waxaana jirey heshiisyo badan oo horay cooladan looga gaarey kuwaasoo aan weli si buuxda loo dhaqan gelin.
GAROWE ONLINE
