Maareeye "Barri waa maalinta calanka Somalia, hala wayneeyo" [Dhagayso]
-
- Posted On 11-10-2015, 08:36AM
11 Octobar, 2015(GO)-Wasaaradda warfaafinta Somalia ayaa ku dhawaaqday in la xoojiyo weynaynta maalintii la taagay calanka Somalia oo ku beegan Barri 12 Octobar taasi oo ay ka soo wareegtay 61 sano.
Wasiirka warfaafinta Somalia Maxamed Cabdi Xayir "Maareeye" oo lahadlay warbaahita Muqdishu ayaa sheegay in shacabka Somali-yeed laga doonayo inay sameeyaan isu soo baxyo waawayn.
"Dowlada Somali-yeed dhamaan shacabkeeda waxay ku wargalinaysaa inay nagu soo food leedahay sanad guuradii 61-aad ee calanka Somalia, calanku waa astaanta ugu saraysa ee dal waliba uu leeyahay, hadaba waxaan ku boorinaynaa in la wayneeyo maalintan" Ayuu yiri Maareeye.
12-ka October 1954-tii waxay ahayd markii ugu horaysay ee la taago calan uu leeyahay dalka Somalia, hadda waxaa laga jooga 61 sano, waxaana maalintaasi dalka ka dhacay xusas ballaaran oo lagu muujinayo muhiimadda ay leedahay 12 Octobar.
GAROWEONLINE
