Madaxii saadka guutada 6aad ee ciidamada Soomaaliya oo "la dilay"
-
WARIYAHA MUQDISHO GAROWE ONLINE
- Posted On 15-02-2020, 02:10PM
MUQDISHO, Soomaaliya – Tafaasiil dheeraad ah ayaa kasoo baxaysa dil shalay ka dhacay xaafada Haanta Dheer, degmada Dayniile ee Muqdisho, caasimadda Soomaaliya.
Toogashadda oo raggii fuliyey ay baxsadeen ayaa lagu beegsaday Gaashaanle Maxamed Cabdullaahi, sidda ay xaqiijyeen goobjoogeyaal.
Marxuumka ayaa lagu waramayaa in uu ahaa Madaxii saadka guutada 6aad ee Ciidamadda Xoogga Soomaaliya.
Maleeyshiyaadka Al-Shabaab ee gacansaarka la leh shabaakada Al-Qaacida ayaa dusha saartay mas'uuliyadda falkaas.
Saraakiisha ciidamadda oo sheegay in ay ku raadjoogaan dambiileyaasha ayaa rajo ka muujiyey in ay gacanta kusoo dhigaan.
Falalka noocaan ah ayaa aad ugu badan magaal madaxda Soomaaliya, mana muuqato talaabo wax looga qabanayo.
Sidda ay sheegeen Hay'addaha Odorasa Arrimaha Ammaanka Caalamka, nabad-gelyadda caasimadda Soomaaliya ayaa saddexdii sano ee lasoo dhaafay gaartey meeshii ugu xumaa.
GAROWE ONLINE
