Madaxweynaha Somalia oo ka hadlay hanjabaada fariimaha Taleefanka
-
- Posted On 19-10-2015, 09:21AM
19 Octobar, 2015(GO)-Madaxweynaha Somalia Xasan Sheekh Maxamud ayaa ka hadlay fariimaha hanjabaada ah ee loo diro dadka qaybtood kuwaasi oo inta badan lagu yaaqaano ururka Al-Shabaab.
Xasan Sheekh ayaa sheegay inay dhammatay waqtigii fariimaha la isugu hanjabi jirey, maadama la helay technologiyada casri ah oo lagu ogaanayo qofku halka uu fariinta ka soo diray, sidaasna lagu soo qabanayo.
Wuxuu xusay Madaxweynuhu inay wiiqantay awoodii ururka Al-Shabaab isagoo adeegsaday kalmadda ah "waa Yaxaas biyihii ka dhamaaday".
Hadalkan ayuu madaxweynaha Somalia ka sheegay munasaabada ka dhacday Muqdishu, kaasi oo looga hadlayay barnaamij ku saabsan darisaynta degmooyinka Xamar.
GAROWEONLINE
