Madaxweynaha Somalia oo ku wajahan dalka Sacuudiga
-
- Posted On 26-10-2015, 10:06AM
26 Octobar, 2015(GO)-Wafdi uu hogaaminayo madaxweynaha Somalia Xasan Sheekh ayaa ku wajahan dalka Sacuudi Arabia, isagoo kulan la qaadan doona boqolka dalkaasi Boqor Salmaan Bin Cabdulcasiis.
Labada hogaamiye ayaa ka wada hadlaya xoojinta xiriirka u dhaxeeya Somalia iyo dalka Sacuudiga.
Xasan Sheekh, waxaa safarkiisa ku weheliya wasiirada warfaafinta iyo maaliyadda ee Somalia, waxaana horay dalkaasi ugu sugnaa wasiirka Arrimaha dibadda SomaliaCabdisalaan Hadliye Cumar.
Maaha markii ugu horaysay ee dalkaasi uu tago Xasan Sheekh, waxaana uu ku soo beegmayaa xilli uu shalay furmay kalfadhigii 7-aad ee Barlamanka Somalia.
GAROWEONLINE
