Madaxweyne Ismaaciil Cumar Geelle oo soo gaarey Muqdisho [DAAWO]

MUQDISHO, Soomaaliaya - Madaxweynaha dalka Jabuuti, Ismaaciil Cumar Geelle ayaa goordhaw kasoo degay Garoonka diyaaradaha magaaladda Muqdisho, ee Aadan Cadde.

Madaxweyne Farmaajo iyo mas'uuliyiin kale oo katirsan labada golle ee dowladda Soomaaliaya ayaa Garoonka kusoo dhaweeyay wafdiga Ismaaciil Cumar Geelle, waxaana uu salaan sharaf ka qaatey cutunto katirsan ciidamada qalabka sida.

Fanaanka Xasan Aadan Samatar oo mudooyinkii dambe ku noolaa dalka Jabuuti, ayaa la socda Ismaaciil Cumar Geelle oo hal diyaarad ay kuwada yamaadeen Muqdisho.

Wadooyinka Muqdisho ayaa saaka loo xiray booqashada Ismaaciil Cumar Geelle, waxaana dowladda Federaalka ay tallaabadan u qaadey inay ku adkayso amaanka, lagana hortago weeraro argagaxiso.

Ismaaciil Cumar Geelle ayaa u yimid Muqdisho inuu xariga ka jaro Safaarad cusub ee Jabuuti ka dhisatay Caasimadda, gaar ahaan degmada C/casiis, halkaasi oo sidoo kale ay ku yaallaan Safaaradaha Imaaraadka iyo Turkiga.

GAROWE ONLINE