Norway oo baaq kasoo saartey doorashada Soomaaliya

Image
Norway ayaa kamid ah wadamada Soomaaliya sidda weyn uga taageera dib u soo kabashada.

MUQDISHO, Soomaaliya - Norway ayaa si weyn waxay u taageertay baaqa caalamiga ah ee ah in doorasho xalaal ah, lagu kalsoonaan karo oo nabad ah ay ka dhacdo Soomaaliya.

Norway oo qayb ka ahayd war-saxaafadeedyadii u dambeeyay ee diblumaasiyinta fadhiya Xalane soo saareen ayaa kamid ah wadamada Soomaaliya ka taageera dib u soo kabashada.

Sida laga soo xigtey qoraal kasoo baxay safaaradda Norway ee xaruntooda ay tahay magaalada Muqdisho, Norway waxay aaminsan tahay in xalka muran walba uu yahay wadahadal.

"Norway waxay taageereysaa baaqa caalamiga ah ee ah in doorasho xalaal ah, lagu kalsoonaan karo oo nabad ah ay ka dhacdo Soomaaliya," ayaa lagu daabacay barta safaarada ee Twitter-ka.

Bayaanka kooban ayaa la raaciyey: "Waxaa la joogaa waqtigii laga gudbi lahaa doorashada oo dib loogu laaban lahaa dhabbaha dib u habeynta iyo horumarka mustaqbalka fog".

"Hadii la helo hogaan wanaagsan, waxaan ku qanacsanahay in Soomaaliya ay horumar ka gaari karto heerka xiga," ayaa lagu soo gabagabeeyay qoraalka kooban ee safaaradda.

Hadaladii u dambeeyay ee beesha caalamka kasoo saareen arrimaha doorashooyinka ayaa ka dambeeyay markii mucaaradka uu qaabka ay ku bilaabatay xulista Aqalka Hoose naqdiyey.

GAROWE ONLINE

Related Articles

Darawalkii Farmaajo oo weli nolol iyo geeri lagu la'yahay

Warar aan la xaqiijin ayaa sheegayay Maalmihii u dambeeyay in darawalka madaxweynaha uu u goostay deegaanada AS.

  • Soomaliya

    28-03-2024

  • 12:12PM

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM