Ra'isal wasaaraha Somalia oo ka qayb galay shir ka dhacaya Brussels
-
- Posted On 18-10-2015, 11:14AM
18 Octobar, 2015(GO)-Ra'isal wasaaraha Somalia iyo wafdi uu hogaaminayo ayaa la qorshaynayaa inay ka qayb galaan shir looga hadlay arrimaha qaxootiga Somalia.
Kulanka ayaa ka dhici doona xarunta Midowga Yurub ee magalada Brussels dalka Belgium, waxaana ka soo qayb gali doonaa wufuud ka socota Somalia, Kenya, Uganda, Ethopia iyo Yemen, waxaan diirada lagu saari doonaan balanqaayadii Midowga Yurub ee qaxootiga waxa ka fulay.
Hay'adda Qaramada Midoobay u qaabilsan arrimaha qaxootiga ee UNHCR, ayaa cadaysay inay yaraateen lacagaha Yurubka Midoobay ugu deeqaan qaxootiga.
Dalalka shirka ka qayb galaya ayaa marka Somalia laga reebo, waxaa ku sugan qaxooti Somaliyeed oo ka soo qaxay colaadda dalka.
In kabadan labo milyan oo Somali ah ayaa barakacay, 1.1 milyan waxay ku barakaceen dalka gudihiisa, 967,000 kale waxay qaxooti ku yihiin waddamada Afrika, waxaana ka mid ah 420,000 oo ku nool xeryaha qaxootiga dhadhaab iyo xagardheer ee Waqooyi Bari Kenya.
GAROWEONLINE
