Ra'isal wasaare Sharmaarke oo maanta Barlamanka hor tegaya
-
- Posted On 24-12-2014, 05:36AM
December 24, 2013 (GO)- Ra'isal wasaaraha dhowaanta lasoo magacaabay ee Cumar Cabdirashiid Sharmaarke ayaa maanta hortegi doona Barlamanka si codka kalsoonida loogu qaado.
Todobaad kahor ayey ahayd markii lasoo magacaabay Cabdirashiid Cali Sharmaarke oo isagu horay wasiirka koowaad uga soo noqday dowladii kumeel gaarka ahayd ee Madaxweyne Shiriif Sheekh Axmed hormuudka ka ahaa.
Magacaaabistiisa ayaa timid 11 maalmood kadib markii xildhibaanada Barlamanku kalsoonida kala laabteen Ra'isal Wasaarihii hore Cabdiweli Sheekh Axmed Maxamed oo isaga iyo Madaxweynaha khilaaf muddo bilo ah soo jiitamayey soo kala dhex galay.
Hadii Barlamanku ansixiyo, Sharmaarke wuxuu noqonayaa ra'isal wasaarihii saddexaad ee muddo labo sano gudahood ah Madaxweynaha Dowlada Federaalka Xasan Sheekh Maxamuud soo magacaabo.
Sharmaarke oo ka hadlayey munaasabadii lagu soo magacaabay wuxuu sheegay inuu soo dhisi doono xukuumad tayo leh taasoo sii dardar gelisa shaqada dowladda islamarkaana hirgelisa qorsheyaalka lagu gaarayo higsiga sanadka 2016.
GAROWE ONLINE
