RW Sharma'arke oo golihiisa cusub Barlamanka horgeynaya
-
- Posted On 09-02-2015, 07:00AM
February 9, 2015 (GO)- Ra'isal Wasaare Cumar Cabdirashiid ayaa maanta oo Isniin ah xukuumadiisa cusub hor keenaya Golaha Barlamanka si xildhibaanadu codka kalsoonida ugu qaadaan.
Fadhiga barlamanka waxaa lagu wadaa inay soo xaadiraan ku dhowaad 240 mudane oo xilligan Muqdisho ku sugan.
Laga soo bilaabo Dec 17, 2014 markaasoo Cumar Cabdirashiid loo soo magacabay Ra'isal Wasaaraha Dowlada Federaalka, wuxuu soo dhisey saddex xukuumadood oo labo kamid ah uu dib ula noqdey isagoon barlamanka hor keenin.
Haddii barlamanku kalsoonida u diido xukuumada waxay taasi dhabar jab ku noqon doontaa habsami u socodka shaqada dowlada maadaama waqtiga haray aad u kooban yahay qorsheyaalka la doonayo in la fuliyana badan yihiin.
GAROWE ONLINE
