Safaaradda Somalia ee Nairobi oo la dhagax dhigay
-
- Posted On 07-11-2015, 04:00PM
07 November, 2015(GO)-Mas'uuliyiin uu hogaaminayo Ra'isal wasaaraha Somalia Cumar Cabdirashiid Cali Sharmake, ayaa ka qayb galay dhagax dhiga dib u hagaajinta safaaradda Somalia ee magalada Nairobi.
Dhulka safaarada Somalia ku taalo ayaa gacanta Somalia ku soo laabatay sanadkii 2010, ka dib dacwad dheer oo lala galay nin Hindi, kaasi oo dhulkan iibsaday sagaashameeyadii.
Ra'isal wasare, Sharmake, ayaa xusay in xukuumadda Somalia ku hawlantahay sidii dib loogu soo celin lahaa safaaradihii dalku ku lahaa caalamka.
Lacag badan ayaa ku bixi doonta dib u dhiska lagu samaynayo safaaradda, waxaana safiirka Somalia u fadhiya Kenya Jamaal Maxamed Xasan bulshada Somaliyeed ka codsaday inay gacan ka gaystaan sidii loo hagaajin lahaa dhismahan.
GAROWEONLINE
