Shakhsiyaad laga shakiyay oo gacanta loo gashay hay’adda nabad sugidda Somalia
-
- Posted On 07-11-2015, 06:45AM
07 November, 2015(GO)-Waxaa xalay magalada Muqdishu lagu qabtay saddex ruux oo midkood xirnaa dharka haweenka kuwaasi oo marayay afaafka hore hotel Weheliye.
Ilaalada hotelka ayaa gacanta ku dhigay saddex nin oo laga shakiyay, balse aan hubaysnayn, waxaana tuhun ka dib lagu wareejiyay hay’adda nabad sugidda Somalia ee NISA, si baartaan loogu sameeyo.
Qabashada raggan ayaa imaanaysa xilli laamaha amniga Xamar soo rogeen awaamir la dul dhigay hotellada Muqdshu, ka dib weeraro qorshaysan oo muddooyinkii dambe lale eeganayay meelaha muhiimka ah ee ku suganyihiin mas’uuliyiinta dowladda Somalia.
Hotelkan ayaa ka mid ha meelaha horay weerarka loogu qaatay, waxaana 11-kii Jullay ururka Al-Shabaab ku dileen 10 ruux.
GAROWEONLINE
