Sirdoonka Jubaland oo qabtey nin ku lebisnaa dhar dumar
-
- Posted On 12-02-2015, 10:09AM
February 12, 2015 (GO)- Ciidamada nabad-sugidda ee Jubaland ayaa magaalada Kismaayo kusoo bandhigey nin dhallinyaro ah oo ku lebisnaa dharka dumarka kaasoo la sheegay in uu ka tirsan yahay ururka Al-shabaab.
Taliye ku-xigeenka ciidamada nabad-sugidda Jubaland Nuur Gaas oo shir-jaraa'id qabtey ayaa sheegay in ninkan oo da'diisu 20 jir tahay lasoo qabtey isagoo ku dhex jirey hawgal basaasnimo ah.
Ciidamo ka tirsan booliska oo ka shekiyey ninka una haystey markii hore qof dumar ah ayuu taliyuhu sheegay inay daba galeen balse ninka ayaa cararay markii uu dareemay in qorshihiisa la ogaadey inkastoo muddo kooban kadib gacanta lagu soo dhigey.
Waa markii ugu horreysey ee ciidamada Jubaland qabtaan xubin ka tirsan Al-shabaab oo kusoo lebistey dharka dumarka si aan loo aqoonsan.
GAROWE ONILINE
