Somalia: Gudoomiyaha Barawe oo dhaawacmay
-
- Posted On 20-02-2016, 03:14PM
BARAWE- Gudoomiyaha degmada Baraawe gobolka Shabeellaha hoose Xuseen Barre Maxamed "Jeex", ayaa qaba dhaawac fudud oo kasoo gaaray bam gacmeed lakala saari waayay in dhulka lagu aasay iyo in lasoo tuuray.
Jeex, ayaa xilliga uu dhaawacmay kusugnaa xafiiskiisa shaqada, waxaana soo baxay warar iskhilaafsan oo ku aaddan qaabka falkaasi u dhacay
Sarkaal dhinac amniga qaabilsan oo kusugan degmada Baraawe, ayaa sheegaya in bamka lagasoo tuuray dabaq, wuxuuna xusay in gacanta lagu hayo shakhsigii falkaasi gaystay kaasoo hadda ku xiran xabsi ku yaalla degma xeebta dhacda gobolka Shabeellaha hoose.
Weerarkan, ayaa yimi xilli socdaan baaritaano ciidamada dowladda iyo kuwa AMISOM, kawadaan degmadan oo mudooyinkii dambe ku jirtay gacanta dowladda Somalia.
GAROWEONLINE
