Somaliland oo u dabbaal degeysa sanad-guuradeedii 24aad
-
- Posted On 18-05-2015, 05:05AM
May 18, 2015 (GO)- Dhammaan deegaanada Somaliland waxaa maanta looga dabbaal degayaa sanad-guuradii 24aad ee kasoo wareegtey markii dhidibada loo taagey Somaliland islamarkaana ay shaacisey inay ka go'day Soomaaliya inteeda kale.
Munaasabadda ugu weyn ayaa ka dhaceysa magaalada caasimadda ah ee Hargeysa, halkaasoo kumannaan qof isugu soo baxayaan goob fagaare ah mas'uuliyiinta dowladuna khudbado ka jeedin doonaan.
Goobta waxaa sidoo kale gaadda ka ciyaar ku mari doona cusubto ka tirsan ururrada ciidamada Somaliland iyo ururrad bulshada sida: ardeyda, shaqaalaha, ciyaaraha iyo xaafadaha Hargeysa.
Dhammaan jidadka waxaa lagu xardhey calanka Somaliland ee leh midabada casaanka, cagaarka iyo caddaanka. Ammaanka si weyn ayaa loo adkeeyey, dadka iyo gaadiidkana waa la baarayaa.
Sanad-guurada 24aad ee kasoo wareegtey asaaska Somaliland ayaa kusoo aadaysa xilli ay taagan tahay xiisad siyaasadeed oo ka dhalatey muddo kordhin Golaha Guurtidu u sameeyeen xukuumadda Madaxweyne Siilaanyo iyo Golaha Wakiillada.
GAROWE ONLINE
