Soomaaliya oo ka qeybgashay shir looga hadlay cadaaladda

Wasiirka Wasaaradda Caddaalada Soomaaliya, C/qaadir Maxamed Nuur ayaa metelay qaranka.

QAAHIRA, Masar - Wasiirka Wasaaradda Caddaalada Soomaaliya, C/qaadir Maxamed Nuur ayaa ka qeyb galay Shirka Wasiiradda Cadaaladda ee Jaamacadda Carabta oo ka dhacay xarunta ururka.

Nuur oo ka socdaalay magaalda caasimada ah ee Muqdisho waxaa wehliyay Danjiraha Soomaaliya ee Masar ahna Wakiilka Joogtadda ah ee Ururka Jaamacadda Carabta Mudane Ilyaas Sheikh Cumar

Kulan ayaa ahaa kalfadhigii 37-aad ee Wasiiradda Cadaaladda Carabta ayaa looga hadlay arrimaha la dagaalanka Argagixisadda iyo la dagaalanka Musuqmaasuqa.

Wakiilka Soomaaliya ee shirkaas heerka wasiir ah wuxuu fagaarahan kusoo bandhigay horumaradda Soomaaliya ka sameysay Cadaaladda iyo la dagaalanka Argagixisadda.

Khudbad qoraal ah oo uu la wadaagay Wasiiradda Carabta ayuu si faahfaahsan u sheegay in Soomaaliya guulo la taaban karo ka gaartay dhismaha hannaanka Garsoorka.

Dastuurka dalka ayaa xaqiijiyey madaxbanaanidda Garsoorka Dalka iyado ay xusid mudan tahay in Wasiirka uu kulamo gaar gaar ah la yeeshay Wasiiradda dhigiisa ee Masar, Ciraaq iyo dalal kalle oo carbeed.

Wasiirka aya intii uu joogay Wasaaradda ku guuleystay dhameystirka dhismaha guddiga qaran ee la dagaalanka Musuqmaasuqa iyo kamid noqoshadda heshiisyadda Caalamiga ah ee ciribtirka musuqa.

GAROWE ONLINE