Soomaaliya: WHO oo cambaareysay weerar ka dhacey Laascaanood
-
GAROWE ONLINE
- Posted On 15-07-2023, 11:16AM
(GO) - Hay'adda Caafimaadka Aduunka ee WHO ayaa Cambaaraysay weeraro ciidamada Somaliland ay ka gaysteen magaalada Laascaanood.
Weeraradaan oo dhacay 11 bishaan ayaa WHO ay sheegtay in lagu dilay shaqaale caafimaad iyo rayid kale.
" Beegsiga shaqaalaha iyo goobaha caafimaadku waa kuwo aan la aqbali karin.Caafimaad ku ma ahan Denbi" ayaa lagu yiri war murtiyeedka.
Ciidamada Somaliland ee ku sugan taliska Goojacadde ayaa sii wada duqeymaha aan loo meel dayin ee ay hubka culus ku garaacayaan magaalada Laascaanood.
War-saxaafadeedka WHO ayaa ku biiraya baaqyada caalamiga ah ee xal u helista colaada Laascaanood oo ay ku baro-kaceen boqolaal kun oo qof.
GAROWE ONLINE
