Taliye ka tirsanaa militeriga Somaliland oo toogasho lagu diley
-
- Posted On 13-04-2015, 11:18AM
April 13, 2015 (GO)- Taliyihii guutada 93aad ee militeriga Somaliland ayaa lagu diley magaalada Ceerigaabo.
Sarkaalkan oo lagu magacaabi jirey Baashe Cali waxaa toogtey askari ka tirsan guutada uu hormuudka ka ahaa.
Muran ka dhashay mushaharka ayaa dhex maray taliyaha iyo askariga, arintaasoo markii dambe gacan ka hadal isu bedeshey.
Askariga dilka geystey ayaa durbadiiba gacanta lagu dhigey, wuxuuna xilligan ku jiraa saldhigga booliska ee Ceerigaabo.
Muddooyinkii u dambeeyey Somaliland waxaa kusoo badanayey dhacdooyinka caynkan oo kale ah, waxaana xusid mudan in labo sarkaal sanadkan gudihiisa qaabkan oo kale ku dhinteen.
GAROWE ONLINE
