Villa Somalia oo balanqaadey isla-xisaabtan "intii hore ka badan"

Wax ka qabashadda abaaraha saameeyay guud ahaan dalka ayaa tibaaxdey in ay hortabin siineyso.

MUQDISHO, Soomaaliya – Cabdikariin Cali Kaar, afhayeenka Villa Somalia oo ka hadlay Garowe Online Twtter Space ayaa sheegay "in Filashadda rayidka dowladdii Farmaajo markii la doortey 2017-dii waxaa ka badan waxay dadku hadda ka rajeynayaan madaxwayne Hassan Sheikh Mohamud".

Kaar ayaa sheegay in dowladda cusub ee hoggaamiye Xasan Sheekh laga filayo “xasilooni siyaasadeed, in dadku isku soo dhawaato, waxaa laga filayaa isla xisaabtan intii hore ka badan, waxaa laga filayaa hormar intii hore ka badan iyada oo la dhisayo kaabayaasha dhaqaalaha dalka” ayuu u sheegay shacabka Soomaaliyeed".

 “Shaqo badan ayaa u taalla Ra’iisul wasaare Xamze Cabdi Barre iyo dhamaan dowladda,” ayuu Cali Kaar oo hadalkiisa raaciyay in uu raynaya in wax laga qabto “Nabarada dowlad, la’aaneed, maamul xumo iyo mid musuq maasuq ee wadanku wajahay 30 kii sano ee la soo dhaafay.

Afhayeenka madaxtooyada Soomaaliya ayaa tibaaxay in dadka Soomaaliyeed ee kala irdhoobay ay u baahanyihiin isku soo dhawayn siyaasadeed, amniga iyo dhaqaale si looga soo kabto dhibaatooyinkii uu dalku soo maray.

Cabdikariim Cali Kaar ayaa xusay in shaqooyinka hortabinta u leh dowladda ay ka midyihiin wax ka qabashada abaaraha dalka, isbadalka cimilada isaga oo u rajeeeyay wasiirka 1aad ee xukumada in shaqada Allaha u fududeeyo.

Inta badan shacabka Soomaaliyeed ayaa waxaa soo food saartay xilli-ciyaareedkii saddexaad oo ay ku baaba’een dalagyadadii, xoolaha iyo dadka.

Guud ahaan Geeska Afrika, malaayiin qof ayaa wajahaya gaajo daran, taasoo ka dhalatay abaartii ugu darneyd ee gobolka ka dhacda muddo 40 sano ah.

Iyadoo xaaladdu ay sii xumaanayso, ayaa hay’adaha gargaarka waxay ka cabsi qabaan in diiradda la saaro xiisadda Ukraine ay u badan tahay inay ka adkaato ajandaha iyo deeq-bixiyeyaasha oo lagu jiro xilli xasaasi ah oo dalka Soomaaliya ku yaalla ee Bariga Afrika ku yaalla.

Hadda, afartii qof ee Soomaalida ah mid ka mid ah ayaa wajahaya gaajo ka dhalatay abaaro ba’an, Qaramada Midoobay (QM) ayaa mashriic ku bixisay in 4.6 milyan oo Soomaali ah aysan heli doonin cunto ku filan marka la gaaro May 2022.

GAROWE ONLINE