Wadahadalada Itoobiya iyo Soomaaliya oo mar kale ka dhacaya Turkiga

Waa markii saddexaad oo ergada labada dal ay is arkayaan.

MUQDISHO, Soomaaliya - Dowladaha Soomaaliya iyo Itoobiya ayaa lagu waddaa in mar kale ay 17-ka bishan wadahadalo ku yeeshaan magaalada Ankara ee dalka Turkiga.

Waa markii saddexaad oo ergada labada dal ay is arkayaan iyada oo horey ugu kulmay magaalooyinka Nairobi iyo Ankara.

Wadaxaajoodyadaas ayaa fashilmay markii Itoobiya ay ku adkeysatay in aysan ka laaban doonin isfahamkii ay la gashay maamulka gooni-isu-taagga Somaliland.

GAROWE ONLINE