Wararkii ugu dambeeyay Is-diiwaangelinta Musharixiinta doorashadda Soomaaliya

MUQDISHO, Soomaaliya - Magaaladda Caasimadda ah ee Muqdisho waxaa ka socda diyaargarowga doorashada madaxtinimada ee Soomaaliya, taas oo la filayo in ay qabsoonto maalinta Axadda ee 15-ka May.

In ka badan 30 musharax ayaa illaa haatan la guddoonsiiyey shahaadooyinka u ogolaanaya inay u tartamaan kursiga madaxweynaha Soomaaliya.

Guddida Doorashada ee labada gole ee loo xilsaaray doorashada madaxtinimada ayaa sheegay in 4:00 galabnimo ee maalinta Salaasada ee bisha May ay tahay 10-ka in ay tahay xilliga ugu dambeeya ee musharaxiintu ay fursadda u haystaan in ay qaataan shahaadooyinka musharaxnimada kursiga madaxweynaha.

Guddida doorashada ayaa sidoo kale musharaxiinta is-diiwaangeliyey iyo kuwa raba inay is-diiwaangeliyaan u sheegay in ay maalinta Salaasada ee 10-ka May ku soo gudbiyaan illaa 400 oo nuqul oo daabacan oo ka mida barnaamijkooda doorashada iyo weliba nuqul electronic ah.

Musharixiinta harsan oo uu ka midyahay madaxweynaha Puntland Siciid Cabdullaahi Deni ayaa maanta oo talaadaa lagu wadaa in ay tagaan xarunta guddiga soona qaataan shahaada musharaxnimada maadaama ay ku egtahay fursada is diinwaan galinta.

Musharaxiinta la diiwaangeliyay ayaa kala ah:-

1. Shariif Sheekh Axmed
   2. Daahir Maxamuud Geelle
   3. Bashiir Xaaji Cali
   4. Cabdulqaadir Cosoble Cali
   5. Cabdullaahi Cali Xasan
   6. Xasan Cali Khayre
   7. Cabdinuur Sheekh Maxamed
   8. Cabdikariin Xuseen Guuleed
   9. Cabdiraxmaan Cabdishakuur Warsame
   10. Cabdiraxmaan Macalin Axmed Ablaal
   11. Saciid Ciise Maxamuud
   12. Cabdiraxmaan Maxamed Cabdi
   13. Axmed Ducaale Geelle Xaaf
   14. Mahad Axmed Diiriye
   15. Mukhtaar Maxamed Sayid
   16. Foosiya Yuusuf Xaaji Aadan
   17. Nucmaan Sheekh Cumar
   18. Ridwaan Xersi Maxamed
   19. Xasan Sheekh Maxamuud
   20. Maxamuud Daahir Aweys
   21. Cumar Cabdulqaadir Axmed
   22. Jamaal Axmed Ibraahim
   23. Cabdulqaadir Xuseen Maxamed (Jaahweyn).
   24. Cabdi Aadan Hoosow
   25. Cabdulqaadir Sheekh Cali (Baqdaadi)
   26. Cabdi Maxamed Kuusow
   27. Cabdullaahi Cali Axmed
   28. Xuseen Cabdi Nuurow
   29. Jibriil Ibraahim Cabdulle
   30. Maxamed Cabdullaahi Farmaajo
   31. Abuukar Aadan Cabdulle
   32. Cabdinaasir Cabdulle Maxamed
   
   

Guddiga Doorashada Madaxweynaha ayaa gelinkii dambe ee maanta soo saaray habraaca lagu suggi doono amniga goobta lagu qabanayo Doorashada Madaxweynaha.

Guddiga ayaa go’aamiyay amniga Teendhada Afisyooni oo lagu qabanayo doorashada in lagu wareejiyo Ciidanka Nabad Ilaalinta Midowga Afrika ee ATMIS, maalmaha hadaljeedinta musharaxiinta xilka Madaxweynaha oo ku aaddan 11-12 bishan iyo maalinta Doorashada Madaxweynaha Dowladda Federaalka oo ku beegan 15-ka bishan.

GAROWE ONLINE