Wararkii ugu dambeeyay Shirka Villa Somalia

Image

MUQDISHO, Soomaaliya - Kulan ay isugu yimaadeen madaxweynaha dalka Xasan Sheekh Maxamuud iyo madaxdii hore ee dalka, kuna jira siyaasiyeen hore ugu tartamay xilka madaxtinimada ayaa kusoo gabageboobay magaalada Muqdisho.

Shirkan oo qaatay saacado badan, islamarkaana gogoshiisa uu dhigay madaxweyne Xasan Sheekh ayaa diiradda lagu saaray xaalada amni oo dalka ka jirta.

Madaxweynaha ayaa siyaasiyiinta warbixin ka siiyey amniga dalka iyo guulaha laga gaaray la dagaalanka Al-Shabaab iyo sidoo kale, diyaargarowga wajiga 2aad ee lagu xoreynayo degmooyin badan oo ku yaalla koonfurta dalka.

Xasan Sheekh ayaa sidoo kale madaxdii hore la wadaagay waxqabadka xukuumadiisa muddada uu xilka haayey, iyo natiijooyinka ka soo baxay shirarkii madasha wadatashiga qaran ee la xiriray arrimaha doorashooyinka dalka.

Maalintii 1aad ee kulankaan ayaa ku soo dhamaatay jawi degan oo ay u riyaaqeen madaxda qaar oo shirka ka qeyb galay, halka la filayo in beri laga hadlo qodobo xasaasi ah, sida ay sheegeen qaar ka mid ah siyaasiyiinta.

Qodobada ugu miisaanka culus oo la filayo natiijada shirka inay qeyb ka noqoto ayaa ka mid ah in wadar-oggol laga gaaro hanaanka doorashada soo socota ee 2026, iyo nidaamka madaxtinimada dalka.

Kulankan ayaa la jaan-qaadaya hal ku dhigga madaxweynaha oo ah "Soomaali Heshiis Ah", halka la faliyo in dawladda ay wadahadlo la gali doonto maamulada aan la dhacsaneyn siyaasadeeda kulankaan kadib.

GAROWE ONLINE

Related Articles

 Soomaaliya oo laga reebay dalalka Muwaadiniintooda Fiisaha Kenya loo fududeeyay

Soomaaliya ayaa laga reebay sababo la xiriira amniga, sida Liibiya oo ku taalla waqooyiga Afrika.

  • Soomaliya

    22-01-2025

  • 09:27AM

Taliyaha Ciidamada Israa'iil oo Fashil dartiis isku casilay

Hoggaamiyaha mucaaradka ee Israa'iil Yair Lapid ayaa ku amaanay Halevi go’aanka uu ku istaagay, isagoo ku baaqay in Netanyahu uu ku daydo.

  • Soomaliya

    22-01-2025

  • 07:10AM