Weerar is-miidaamin ah oo lala beegsadey Hotelo ku yaala Muqdishu
-
- Posted On 20-02-2015, 11:00AM
MUQDISHU Feb 20,2015 [GO]- Waxaa laga maqley magaalada Muqdisho qaraxyo lala beegsadey Labo Hotel
oo ku yaal degmada Xamar weyne halka ku dhow Taalada Xaawo Taako.
Hotelka la yiraahdo Central iyo Naaso Hablood ee ku yala degmada Xamar weyne islamarkaana isku dhagan ayaa wararku sheegayaan in weerar is-miidaamiin ah oo loo adeegsadey gaari lala beegsadey.
Lama oga khasaaraha ka dhashey weerarkaan iyadoo waqtiga uu dhacay la sheegayo iney ku beegneyd xilli qado ah oo laga soo baxey salaada Jimce.
Qararaax ayaa kusoo beegmaya xilli inta badan wadooyinka magaalada Muqdishu xiran yihiin islamarkaana lagu jiro diyaar garow lagu soo dhoweynayo madaxweynaha dalka Jabuuti inuu yimaado magaalada Muqdishu.
Garowe Online kala soco wararka la xiriira weerarkaan.
GAROWEONLINE
