Xasan Sheekh oo warqadaha ka guddoomay danjireyaal cusub

Image
Image
Image
Image
Image
Image
Image
Danjireyaasha ayaa Madaxweynaha la wadaagay farriimo ay ka sideen Boqorrada iyo hoggaanka dalalkooda.

MUQDISHO, Soomaaliya - Madaxweyne Xasan Sheekh Maxamuud ayaa warqadaha aqoonsiga danjirenimo ka guddoomay safiirrada cusub ee dalalka, Faransiiska, Netherlands iyo Slovakia ee loo soo magacaabay Soomaaliya.

Munaasabad ku qabsoomtay Madaxtooyada Qaranka ayaa Madaxeweynuhu kaga guddoomiye waraaqaha Aqoonsiga Danjireyaasha kala ah, Arnaud Suquet Safiirka cusub ee dalka Faransiiska ee Soomaaliya, Maarten Brouwer Danjiraha Cusub ee Boqortooyada Netherlands iyo Katarina Zuffa Leligdonova oo ah Danjiraha cusub ee Jamhuuriyadda Slovakia u fadhin doonta Muqdisho.

Danjireyaasha ayaa Madaxweynaha la wadaagay farriimo ay ka sideen Boqorrada iyo hoggaanka dalalkooda, iyagoo soo bandhigay dadaalka ay ku bixin doonaan adkaynta xiriirka taariikhiga ah ee ay la wadaagaan Dowlada iyo Shacab ka Soomaaliyeed.

Xasan Sheekh iyo safiiradda ayaa si gaar-gaar ah uga wada hadlay xoojinta xiriirka diblomaasiyadeed iyo iskaashiga ay Dowladda Federaalka Soomaaliya la leeyihiin dalalkoodu,

Sidda ay sheegtay Villa Soomaaliya, madaxweynaha waxa uuna xusay ahmiyadda ay leedahay in ay xoojiyaan garab istaagga dowladda Soomaaliya iyo shacabkeeda, si guul looga gaaro dowlad-dhiska iyo horumarinta dalka.

GAROWE ONLINE

Related Articles

Magacyada  Xubno Sare oo Al-Shabaab looga dilay dagaalka Shabeellaha Dhexe

Howlgalka ayaa waxaa hoggaaminaya Taliyaha Ciidanka Xoogga Soomaaliya, Jeneral Odowaa Yuusuf Rageh.

  • Soomaliya

    24-02-2025

  • 09:48AM

Maxay salka ku haysaa booqashada Xasan Sheekh ee dalka Libya?

Madaxweyne Xasan Sheekh Maxamuud ayaa inta uu ku sugan yahay Tripoli, waxa uu kulan la qaadan doonaa Hoggaamiyaha Golaha Sare.

  • Soomaliya

    24-02-2025

  • 08:31AM