Faysal Cali Waraabe: Cadawgeena ma ahan Itoobiya ee waa Soomaaliya

Siyaasiga mucaaridka ah ayaa sidoo kale dhaliil u jeediyay madaxweynaha Somaliland Muuse Biixi Cabdi.

HARGEYSA, Soomaaliya - Siyaasi Faysal Cali Waraabe oo maanta shir jaraa’id qabtay ayaa ka hadlay heshiiska is-afgaradka ah ee muranka dhaliyay ee ay wada gaareen Somaliland iyo Itoobiya.

Siyaasiga mucaaridka ah ayaa dhaliil u jeediyay madaxweynaha Somaliland Muuse Biixi Cabdi, isagoo ku nuux-nuux saday in diidmada shacabka ee heshiiska ay sabab u tahay waxa uu ku tilmaamay sumcad xumada Muuse Biixi.

Faysal Waraabe ayaa yiri: “Itoobiya ayay ahayd tii na siisay gabaad markii ay diyaaradihii Soomaaliya xasuuq ka geysanayeen gobollada Waqooyi ee Somaliland.”

Waxa kale oo uu xusay in Itoobiya ay tahay dal ay jaar yihiin, isla markaana ay noqon doonto marin dhaqaale oo ay Somaliland ku gaarto Koonfurta Suudaan.

Faysal Cali Waraabe oo ku tilmaamay Soomaaliya Cadaw ayaa sidoo kale fariin dhaliil xambaarsan u jeediyay siyaasiyiin si adag uga hadlay heshiiskii Itoobiya iyo maamulka Somaliland.

GAROWE ONLINE