Laascaanood oo gashay "xaaladii ugu darneyd ee milatari"

In ka badan 30 qof ayaa ku dhintay dagaalkii shalay ka dhacay xarunta gobolka Sool.

HARGEYSA, Somaliland - Dagaal ayaa mar kale ka qarxay Laascaanood. Daryanka hubka culus ayaa aroortii manata laga maqlay duleedka xarunta gobolka Sool.

Fahfaahinta ayaa intaas ku daraysa in iska-hor-imaadka uu ka soconayo guriga gobolka halkaasoo ay dageen mas'uuliyiinta Somaliland.

Illaa haatan, lama soo sheegin wax khasaaro ah. In ka badan 30 qof ayaa ku dhintay dagaalkii shalay ka dhacay magaalada.

Somaliland oo qoraal soo saartey ayaa dagaalka Laascaanood mar kale saaka ka qarxay la xiriirisay Puntland una qaylo-dhaamisay Beesha Caalamka.

Laascaanood ayaa wajahaysa "xaaladii darneyd ee milatari oo magaalo Soomaaliyeed soo food-saarto mudooyinkii dambe".

Dad kooban oo sahayda ka caawinaya ciidamada ayaa ku sugan gudaha xarunta gobolka Sool. Shacabkii kale caadiga ahaa ayaa lagu waramay in ay barakaceen.

Dagaalka ugu xoogan ayaa laga soo wariyey dhanka buurta Sayidka. Qaar kamid ah cutubyadii ciidanka Somaliland ee aagga Tukuraq ayaa kusoo biiray jiida hore.

Dadka degaanka ee is-hubeeyay ayaa ku sugan gudaha magaalada. Khasaaro u badan dhaawacyo ayaa illaa hadda la xaqiijiyey. Dadka ugu badan ee wax soo gaartey ee shacab.

GAROWE ONLINE