Sidee loo kala helay codadka Doorashada Somaliland?
-
Wariyaha Hargeysa GAROWE ONLINE
- Posted On 21-11-2017, 03:48PM
HARGEYSA, Somaliland - Musharaxa Xisbiga Kulmiye Muuse Biixi Cabdi ayaa ku guuleystay Doorashadii Madaxweynaha Somaliland ee la qabtey 13-kii bishan November.
Gudiga Doorashooyinka Somaliland ayaa ku dhawaaqay in Muuse Biixi Cabdi uu yahay Madaxweynaha 5-aad ee Somaliland, kadib markii uu helay 55.19% codadkii ay dhiibteen 700,000 oo qof.
Muuse Biixi codadka uu helay guud ahaan waxay gaarayeen 305,909, oo u dhiganta 55.19%, halka Musharaxa Waddani Cabdiraxmaan Cirro uu helay 226, 690 cod oo u dhiganta 40.73%.
Feysal Cali Waraabe oo ah musharaxa u tartamay UCID ayaa helay 23,140 cod oo u dhiganta 4.17%.
Muuse Biixi ayaa noqonaya Madaxweynaha Somaliland shanta sano ee soo socota.
Cabdiraxmaan Cirro oo shalay qaadacay natiijada doorashada ayaan joojin maanta goobta Gudiga Doorashooyinka ugu dhawaaqayay natiijada codbixinta.
GAROWE ONLINE
