Somaliland oo qabatey haweeney "aflagaadeysay" ALLE

Taliska Booliska Somaliland ayaa sheegay in ay si degdeg maxkamad u horgayn doonan haweeneydan.

HARGEYSA, Somaliland - Booliska maamulka Somaliland ayaa Sabtida maanta ah waxa uu sheegay in uu qabtay haweeney aflagaadeysay ALLE.

War qoraal ah oo kasoo baxay booliska ayaa lagu caddeeyay in haweeneydan si degdeg ah loo horgeyn doono Maxkamadda awoodda u leh.

"Taliska Ciidanka Boolisku wax uu bulshada Somaliland ugu baaqayaa inay ka fogaadaan arrimaha noocaasa ee kasoo horjeeda Islaamnimada iyo Diinteenna suubban," ayaa la raaciyay bayaanka.

HOOS KA AKHRISO BAYAANKA

Ciidanka Booliska [Somaliland] ayaa gacanta kusoo dhigay Eedaysan Huda Cawaale Xirsi oo dhawaan muuqaal ay faafisay caayaysay illaahay.

Hawlgal iyo baadhid dheeriya Ciidanka Boolisku sameeyay ayuu inantaasi kusoo qabtay, isagoo gudanaaya waajibaadkiisa shaqo ee ciidanku u xilsaaran yahay, Waxaanan degdeg u horgeyn doonnaa Sharciga haddii eebbo idmo.

Taliska Ciidanka Boolisku wax uu bulshada Somaliland ugu baaqayaa inay ka fogaadaan arrimaha noocaasa ee kasoo horjeeda Islaamnimada iyo Diinteenna suubban.

GAROWE ONLINE