Baaris lagu bilaabay duqeyn uu Mareykanka ku dilay askar

KABUL, Afghanistan – Milatariga Mareykanka ayaa "si khaldan" waxa uu duqeyn ugu dilay Sideed kamida ciidamada Booliska Afghanistan.

Shilka oo Talaadadii ka dhacday gobolka koonfurta dhaca ee Helmand ayaa ka dambeeyay markii ay Taliban kusoo duushay xoogaga dowladda.

Afhayeenka wasaarada amniga gudaha ayaa shaaciyey in weerarka cirka uu ahaa mid garab lagu siinayey ciidamada.

Balse Nusrat Rahimi ayaa nan meesha ka saarin in baaritaan lagu bilaabay, isla markaana xaqiiqada ay soo bandhigi doonan.

Warbaahinta maxaliga ah ayaa dhimashada askarta waxay gaarsiineysaa 17 sarkaal oo ciidamada Booliska ka tirsanaa.

Mareykanka ayaa ciidamadiisa u daabulay wadankaasi sanadkii 2014-kii waxayna qayb ka yihiin howlgalka ay halkaasi ka wado NATO.

Gobolka Helmand ayaa horey looga soo wariyey dhacdooyin noocaan ah inkasta oo ay u badan yihiin waxyeelo soo gaaray dad shacab ah.

GAROWE ONLINE