Booliska Yahuuda oo xabsi u taxaabay mas'uul sarre oo Falastiini ah
-
WARIYAHA ARRIMAHA CAALAMKA GAROWE ONLINE
- Posted On 21-11-2019, 07:00PM
ANKARA, Turkey – Booliska Yahuuda ayaa Khamiitsta maanta ah waxay xireen Adnan Ghaith oo ah gudoomiyaha Falastiiniyiinta ee magaaladda Jerusalem.
Xarigga ayaa yimid markii ciidamadda ay ku duuleen hoyga Ghaith ee xaafadda Silwan, sidda ay ku warantay wakaaladda wararka ee Anadolu Agency.
Ghaith ayaa xorriyadda laga qaadey dhowr bilooyinkii lasoo dhaafay, sidda ay soo tabisay warbaahinta gudaha.
Ma cadda sababta loo beegsanayo. Booliska Yahuuda illaa iyo haatan si rasmi ah ugama hadlin dhacdooyinkii lasoo dhaafay.
Jerusalem ayaa sanadihii lasoo dhaafay waxay xudun u ahayd colaadda Bariga Dhexe xili Falastiiniyiintu rajeynayaan in bariga Qudus oo ay Israel qabsatay 1967-dii ay noqoto caasimadda dowladda Falastiin.
Sharciga caalamiga ah ayaadhigaya in magaaladda Qudus iyo Daanta Galbeed ay yihiin dhul la haysto, waxaana degaameynta Yahuudu u aqoonsan yahay mid baalmarsan qawaaniinta dunida iyo sharci darro.
Mareykanka ayaa lagu eedeeyay in uusan dhex ka ahayn colaadda Falastiiniyiinta iyo Yahuuda maadaama Qudus u aqoonsaday in ay tahay caasimada Isreal.
GAROWE ONLINE
