Mareykanka oo diidey in sirdoonkiisa lala barbardhigo midka China
-
WARIYAHA WASHINGTON GAROWE ONLINE
- Posted On 27-11-2019, 10:34AM
BERLIN, Germany – Safiirka Mareykanka ee Berlin ayaa si adag ugu dhaleeceeyay wasiirka dhaqaalaha Jarmalka, Peter Altmaier, in uu isla barbardhigay sirdoonka China iyo Mareykanka.
Xiisadda ayaa waxay karkartay markii Germany uusan ka mamnuucin shirkadaha Tiknoolajiyadda ee laga leeyahay dalka Shiinaha ee Huawei ka qeybgalka Banbiga Telefoonada waddankaas.
"Ma jiro wax u dhigma damiirka ka dhexeeya Shiinaha iyo Mareykanka qof kastoo soo jeediyana wuxuu iska indhatirayaa taariikhda," ayuu Richard Grenell yiri, sidda ay qortay warbaahinta.
Xukuumadda Washington ayaa waxay u aragtaa Huawei in ay tahay khatar amni oo ku wajahan Mareykanka.
Mareykanka ayaa horey u waydiistay xulufadiisa reer Galbeedka in ay joojiyaan isticmaalka telefoonada 5G-da ah ee ay farsameyso, isaga oo ku doodaya in ay u dhow sirdoonka Shiinaha.
China iyo Mareykanka ayaa waxaa ka dhaxeeya loolan ganacsi oo cirka isku sii shareeray tan iyo markii uu xafiiska yimid madaxweyne Donald Trump oo xayiraadyo dhowr ah kusoo rogay.
Xukuumadaha Beijing iyo Washington oo loolankooda uu saameeyay ganacsiga dunida ayaa waxaa lagu sheegaa in ay yihiin dowladaha ugu tunka dhaqalaaha aduunka uguna wanaagsan.
GAROWE ONLINE
